ប្រជាពលរដ្ឋបានឱ្យដឹងថា នៅក្នុងតំបន់បឹងធំនេះចែកជា២ផ្នែកប៉ែកខាងលើជាតំបន់អភិរក្ស និងផ្នែកខាងក្រោមជាកន្លែងនេសាទសាធារណៈ បឹងធំនេះក្នុងរដូវ វស្សាមានទំហំប្រមាណ៥០ហិកតា នៅរដូវប្រាំងបឹងនេះមានទំហំប្រមាណ៦ហិកតា។ ជាក់ស្ដែងក្នុងពេលនេះយើងឃើញគេបោះសម្រស់យ៉ាងធំមួយកន្លែងក្នុងបឹងធំដែលមានទទឹងប្រមាណ១០០ ម៉ែត្របណ្ដោយ៣០០ ម៉ែត្រ ស្មើនឹង៣ហិកតាជាប់នឹងបង្គោលអភិរក្សតែម្ដង។ ដោយជុំវិញសម្រាស់នេះគេហ៊ុំព័ទ្ធរបាំងស្បៃមុងនិងដាក់លបលូស្បៃមុងដើម្បីចាប់ត្រី។
ចំណែកម្ចាស់សម្រាស់ធំៗតំបន់នេះមាន តែ២នាក់តែប៉ុណ្ណោះទី១ឈ្មោះស្រី ស្រ៊ុន ទី២ ឈ្មោះ ជា នឹម ត្រូវជាបងថ្លៃ ដែលគេធ្វើបានយ៉ាងរលូនជារៀងរាល់ឆ្នាំប្រជាពល រដ្ឋធម្មតាគ្មានលទ្ធភាពធ្វើទេ។ បទល្មើសនេះមានទោសច្រើនករណីគឺទី១-កាប់ព្រៃលិចទឹកធ្វើជាដាក់សម្រាស់ ខុសច្បាប់ , ទី២-ហ៊ុំព័ទ្ធចាប់ត្រីដោយប្រើឧបករណ៍ស្បៃមុង , ទី៣-ដាក់សម្រាស់ជាប់បឹងអភិ រក្សពូជត្រី , ទី៤-ការចាប់ត្រីប្រើឧបករណ៍ឆក់ត្រជាក់ហើយក្នុងនោះក៏មានការរុញជនជាច្រើនគ្រឿងនៅក្នុងបឹងធំដើម្បីចាប់យកត្រីល្អិតៗធ្វើជាត្រីនុយផងដែរ។
ដោយឡែកលោក លី ឡា នាយខណ្ឌរដ្ឋបាលជលផល កំពង់ឆ្នាំង ក៏បានឱ្យដឹងដែរថា ករណី នេះលោកបានទទួលសេចក្តីរាយ ការណ៍ពីក្រុមការងាររបស់លោកហើយលោកក៏បានចាត់ឱ្យផ្នែក និងសង្កាត់រដ្ឋ បាលជលផល សហការជាមួយសហគមន៍ចុះ ទៅបង្ក្រាបហើយ ស្នើសុំអ្នកសារព័ត៌មានជួយតាមឃ្លាំមើលករណីនេះបន្តផង ល្អដែរសមត្ថកិច្ចជំនាញខ្លួនឯងមិនដែលដឹងថាបទល្មើសក្នុងអាណាចក្ររបស់ខ្លួនមានឬអត់បែរជាពឹងអ្នកសារព័ត៌មានឱ្យជួយឃ្លាំមើលទៅវិញ។
ជុំវិញករណីខាងលើនេះដែរលោក ងិន ហ៊ុន ប្រធាន មន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង ក៏បានបញ្ជាក់
ឱ្យដឹងផងដែរថា ករណីដូច្នេះលោកនិងបញ្ជារឱ្យមន្ត្រីជំនាញកាប់ស្បៃមុងយកចោលទាំងអស់ និងឃ្លាំចាប់ជនល្មើសមិនអនុញ្ញាតឱ្យហ៊ុំសម្រាស់ចាប់ត្រីជាដាច់ខាត ដោយត្រូវស្រាវជ្រាវអ្នកប្រព្រឹត្តបទល្មើសនេះដើម្បីកសាងសំណុំរឿងប ញ្ជូនទៅតុលាការចាត់ការផ្លូវច្បាប់៕